يوميات عائله مصريه التدخين

بقلم/دعاء حسين

اليوم قام ممتاز من نومه كالعاده على صوت المنبه وصحي من نومه علشان يروح الشغل وبعدها تقوم ناهد بعمل الفطار له ويروحوا الشغل مع بعض يوصلها ثم يروح شغله

وعاده ممتاز الى بيته بدري من عمله غير العاده 

فلاحظ ان اوضه بنته سهى بها دخان كثير فقعد يفكر هل فعلا ابنته تدخن سجاير ام هو ظن بها وانه شعور غلط وبعد ثواني ندى على سهى وبدا الكلام معها يا سىهى انت عارفه اني بحب الصراحه وما بحبش الكدب يا ريت تصارحيني يا بنتي بكل حاجه انا شامم ريحه سجاير في اوضتك سهى

 سهى يا بابا يا بابا بارتباك 

ممتاز سجاير يا سهى 

سهى بابا انا خايفه اصارحك تزعل مني 

ممتاز سارحين يا سهى ما تخافيش 

سهى بابا جوزي هو اللي عودني على شربها علشان افتكرت اني مش عايزه اخسره ولكن خسرت نفسي وخسرته 

ممتاز يا بنتي انا ربيتك انك تكون ليكي راى ازاى قدر يغيرك ويغير رايك ازاي تحترمي نفسك وانت بتعملي الغلط 

سهى انا بحاول يا بابا ارجع سهى الى انت عارفها 

بحاول الاقي نفسي علشان كارهه اللي انا فيه 

ممتاز طب انا عرفت وهقف جنبك يا بنتي وهساعدك انك تبطلي كل عاده سيئه اكتسبتيها من زوجك السابق ولازم قبل ما اساعدك لازم يكون عندك اراده انك تمنعي كل شيء غلط في حياتك وانا معاكي وفي كتفك وسندك وقام ممتاز و احتضانها 

سهى اوعدك يا بابا اني ارجع سهى اللي انت عارفها واللي انت ربيتها على كل حاجه صح وابعد عن كل حاجه غلط 

وبعد فتره نادت سهى على باباها وهي فرحانه وقالت له يا بابا انا بطلت السجاير وكل عاده وحشه علشان انا حبيت نفسي وحبيت اكون صوره كويسه قصاد نفسي و قصاد الناس زي ما انت ربتني يا بابا علشان انت عرفت تحتويني وتساعدني وتخاف عليا فقدرت اعدي المرحله دي شكرا قوي يا بابا 

ممتاز الف حمد وشكر ليك يا رب ونصيحه يا بنتي اذا ارتبطت بحد لا تغيري نفسك لاجله لانه لازم يكون بيحبك زي ما انت وان اتغيرتي تتغيري للاحسن مش للاوحش 

اما انا بقى نصيحتي لكل ام مصريه وكل ام عربيه خلي بالكم من بناتكم في اطفال في سن المراهقه بيشربوا سجاير بنات وصبيان والاكثر بنات ودي مصيبه وكارثه علينا لازم اولادنا ونخاف عليهم اكثر من كده نراقبهم من غير ما يشعرهم ونلاحظ كل حاجه غلط بيعملوها ونحاول نحتويهم ونخرجهم من الغلط اللي وقعوا فيه ما فيش اغلى من ولادنا احنا سندهم وهم سندنا