امى

بقلم/دعاء حسين 

 لمارحت ازور امي 

كان قبرها منور 

وانا مطفي 

كان تراب المكان معطر 

وانا روحي رايحه مني 

لمست قبرك يا اما

نفسي احضنك 

وسمعت صوتك في ودني 

مالك يا ابني 

محتاج اترمي في حضنك 

وتشيلي عني همي

احمد ربك يا ابني واذكر ه

وانت تعيش مستور 

الستر من غيرك ما لوش وجود 

افتكرني وادعيلى واوعى يا ابني تنساني 

دايما فاكرك ياما مش ناسيكي 

ببكي عليكى بحرقه علشان فراقك وجعنى 

روح يا ابني ربنا يسترها عليك ويسعدك 

بكيت على قبرها ومشيت وانا محني 

فقدت كل دعوه ليا في الارض 

راحت اللي كان حضنها يشيل عني