امسح دمعك
خللي الأحزان منا بعيدة
انسى الأشجان والتنهيدة
واوعدني غرامنا ما غيره نشوف
نبدأ وياه صفحة جديدة
ليه غير الحزن ما ليك سيرة
ليه تعيش ف الهم وف الحيرة
اضحك يا جميل لو مهما تشوف
بلا لوية بوز بلا تكشيرة
ليه دايما مهموم متوتر
والحزن عليك ليه بيسيطر
ماتقولشي نصيب أو حتى ظروف
ليه بس ف دمك بتعكر
في العمر الأحزان بتقصر
ليه نسيبها ف أرواحنا تأثر
داحنا على الدنيا يا عمري ضيوف
على إيه بقى نبكي ونتحسر
اخترت هواك وماليش بعده
والقلب معاك فرحه وسعده
دانا مهما هلف الدنيا واطوف
على عشقك باقي وعلى وعده
اوعدني ماشوفشي ف يوم دمعك
والفرحة تئيد جواك شمعك
وانده على قلبي إن صادفك خوف
لو حتى بعيد عنك سامعك
امسح دمعك
بقلمي/ خالد جمال ٢٧/٨/٢٠٢٥
