خيط طيارة (284)
كنا بنلعب في الحارة
وقولنا نطير طيارة
رسمنا الحلم وجانا الليل
مسكنا بأول لدوباره
جوا قلوبنا الفرحه تزيد
لما نهينا لف الطاره
واحد رافع في ميزانها
وتاني بيجري
الهواء شالها
شوي شوي بتعلا لفوق
كل الحارة شاهده جمالها
بعديت فوق الطياره
كل ما تعلا الحلم يزيد
فرحه بخوف زادنا إثاره
وفجأه تمايل
تتطوح وفجأه وقطعت لدوباره
صوت وصياح من راح صدق
كل شباب جروا في الحاره
فينها ووصلت لبشاره
حد وشافها جوا البير
ووقعت فيه الطياره
واحد قال هنزل في البير
وأمسك ديل هالطياره
شبك أيد بأيد وأيد
فتش ما في ولا دوباره
وراحت منا ويا خساره
باكر يبدأ حلم جديد
ونصحى نطير طياره
يا ترا راح ننسى الخوف
وتاني لا تقطع لدوباره
يوم ورا يوم
فيه حلم جديد
جوا قلوب أمل الحاره
ويا ترا هنوصل فين
والأمل رابطه دوباره
بقلم .. صبري رسلان
