.jpg)
بقلم شريف شحاته مصر
ياحبيبى حاول تسمعنى قبل ما تيجى تودعنى
وتقولى كلام يوجعنى وتروح بعيد
عايز تحرمنى حنانك وأنا قلبى عمره ما خانك
وأتحمل ياما علشانك بفراق جديد
آه من خصامك وقسوة كلامك بلاش سلامك
مع شوق يزيد
أنا عايزك لما تيجينى تسمع منى وترضينى
وتسيب ظنك يا كاوينى أحلف كمان
راح تسمع منى دفاعى من ألمى ومن أوجاعى
ليه تزعل من غير داعى وظنك يبان
إسألنى أدلك والروح تقولك مخلص فى ودك
وقلبك حديد يا حبيبى حاول تسمعنى قبل ما تيجى تودعنى وتقولى كلام يوجعنى وتروح بعيد
أيام وشهور بتعدى محروم من حبى وودى
وانا برضه حيران وحدى علشان ظنون
بقى دة إسمه كلام يا ظالمنى إسمع منى وطمنى
قبل ما تمشى وتحرمنى شوق العيون
همسة ونهدة وعيونى شاهدة على الكلام دة
وأقول وأعيد يا حبيبى حاول تسمعنى قبل ما تيجى تودعنى وتقولى كلام يوجعنى وتروح بعيد
