سامحيني
حقِّك على قلبي يا روح قلبي
حقِّك على عيني
دانا جايلِك نادم وراجعلِك
فاتح دراعيني
عارف إن البعد ده كان ذنبي
والحزن ماليني
أخلص واراعيك زي ما قلبك
علطول مراعيني
مانا بعت الحب وكان حقك
إنك تنسيني
واسيت على قلبك وخدعتك
وفارقت حنيني
مانا خنت القلب اللي وفالي
ومحالي أنيني
ومشيت ورا وهم بيحلالي
ضيعلي سنيني
والدهب أنا سبته معاك غالي
وجريت ورا صيني
جايلك ده كسرني الشوق بعدك
والبعد كاويني
على عهدك باقي وعلى وعدك
والدمع ف عيني
سيبي نبضي
يحس هيام نبضك
علشان يحييني
سيبي وردي
يميل كده على وردك
ويزين بساتيني
دانا مهما أتأخر يوم ردك
أو طال بعدك
أملي تسامحيني
سامحيني
بقلمي/ خالد جمال ٥/٨/٢٠٢٥
