حبر القصيدة
بتذكُرْ يا ورد
شو دقّ القلب
ع جناح الهوى طاير
يعزف بالفضا مغاني الودّ
بتذكُرْ ياما جنّ العطر
من نفحات الخفق
يزغرد النّسيم
وتِسْكَر الدّرب
يغزل القلب من ريشات الحلم
تاج الوعد
يدوّن حبر الشّوق قصيدة
يعزف لحنها ع أوتار الحبّ
يوشم عالمقعد ذرّات اللّهفة
يسكب النّبضات كاسات خمر
ويضيع الوقت يا ورد
تصحا النّجمة
تشهد أفلات الشّمس
يطير الرّيش
ما يبقى أثر
وتبقى لحالك تشرب النّخب
جميلة مزرعاني
لبنان الجنوب
ريحانة العرب
باللغة المحكية
