يا نبي يا أيوب،

أنا بلوتي تشبه بلوتك يا صبّور،

بس إنت كنت نبي…

والنور في قلبك ما بينطفيش،

وأنا عبد، في الضلمة تايه ومجروح ومكسور.

يا نبي يا أيوب،

الوجع واحد،

بس أنت كان ربك كريم في امتحانك،

وأنا كل يوم أقول: "يا رب"

وصمتي بيرد على لساني مكانك.

أنا زَيّك…

بس فرق كبير ما بيني وبينك،

إنت كنت نبي،

وصبرك كان جهاد،

وأنا لو زاد الوجع ثانية…

أنوح وأصرخ للبلاد.

يا نبي يا أيوب،

قالوا لي اصبر زَيّه

قلت لهم: "ده نبي… وأنا بشر"،

هو لو شكى، رب العرش يسمعه،

وأنا صوتي بيرتدّ ليا… وينكسر.

أنا بلوتي نار،

والناس تشاور وتقول: "ده ضعيف"،

لكن لو شافوا اللي في القلب

هيقولوا: ده واقف على الشوك… وبيستعيف.

يا أيوب…

فيك العِبرة، وفيك السيرة،

وفيك الجَبر بعد الكسرة،

أما أنا…

لسه مستني فرجك يا رب

من ديرة لديرة