يازمان 

 شعر/ سكينة الصولى 

يازمان عدينى من الأحزان 

وأفتح لى كم بر أمان 

دا أنا عايشة أوجاع وظنون

والقلب بآلامه مشحون

مين زيى مظلوم فى الكون

مش لاقى فى الدنيا حنان

داأنا بنت زي( البنانيت)

فى حياتى( جديت) وسعيت 

ليه حظى أشجان وأسية 

والقلب فى الدنيا ضحية 

داأنأ برضو البنت المصرية 

وحضارتى سابقة الأزمان 

يازمان عدينى من الأحزان

يازمان فرحنى حقيقى 

ليه مضلمة فى الدنيا طريقى

داأنا عشت حياتى ع الهامش

عايشة والقلب ٠٠٠مش عايش 

وأهو غيرى( مديها ) ونافش 

ومولع خاتم سليمان 

يازمان عدينى الأحزان

ونهايته يازمان هنيني

نسيني عذابي وأنينى

وعلى شط الأحلام راسينى

أتهنى بعمرى وسنينى 

وإن مرة الأحزان حاتجينى 

راح أقول لك يازمان عدينى 

قربنى لحبايبى كمان 

دا انا عندى صبر وإيمان 

يكفينى أعيش كل زمان