يا جميلة الجمالات

✍️ بقلم: حاتم فرج الله آل خليفة---

يا جميلة الجمالات، يا سحر في طلّة بهيّه

تمشي والورد يخجل، والنسمة تبوس إيديّه

عيونك زي البدر، ونظرتك سهم ونيّه

ومن خدودك يا غزاله، الشمس تاخد هديّه

يا صعيديّه فـ طبعك، والهيبة في مشيتك

ما فيش زيّك يا وردة، ولا في الكون شِبِهتك

تغاري منك النسا، وتِغنّي الطير بسمتك

وكل ما تضحكي، يتبدّل الحزن بضحكتك

زَينِك يا بنت الأصول، ما يتخبّاش فـ العيون

ده حُسنِك ده مش معقول، ومفيش له شبه يكون

ضحكتك تشفي المجروح، وتروي القلب الحنون

وأنا قلبي لما شافك، قال دي أجمل من الظنون

يا جميلة الجمالات، يا بدر طالع تمام

خطوتك ترقص قلوب، وتِهزّ فيك الغمام

يا شِعر مكتوب فـ ورد، ويا نَغمة تطرب سلام

وكل ما تطلّي ضحكه، يضحك معاها المنام

يا مَهفهَفَة القوام، يا مِشية الغزلان

ريحة عطرك فـ الهوا، تغني لها الأركان

وفي جَبينك نور صبح، وفي خدودك رُمّان

وكل كلمة تقولها، تبقى دُنيا وأمان

ده اسمك لو ييجي، يسكتوا كل الكلام

وانتي في حضرة جمالك، يسكت الشعر ونظام

ده العيون لو تحكي فيكي، تِتعب النُّجْرَة و الأقلام

واللي يشوفك مرّه، يعيش على الذكرى أعوام

يا وردة فـ وسط شوك، محفوظة بعين الإله

مالكش زي ولا وصف، ولا في الطبع زيّك راه

وإن جيتي في الحلم مرّه، يبقى الخير جا معاه

ويِكفي إنك جميلة، والكل يتمناك رضاه