سقوط طالبه بكليه علوم جامعه الزقازيق من الدور الخامس من ما ادى الى وفاتها

الغريب في الموضوع استهتار الدكاترة

 وكأن اللي واقعة ع الأرض دي مش

 جـ..ـثة بني آدم زيه زينا

نادية السيد

اللي حصل من الدكاترة وهما بيمتحنوا ومحدش فيهم اتحرك ولا حتى طلع من المعمل غير المعيدة، ولما المعيدة جت تكلم الاسعاف الدكتورة المحترمة بتقولها الأمن هييجي هو ويجيب الاسعاف، ملكيش دعوة ودخلتها وقفلت الباب، ولا كأن في حاجة علشان الطلبة تكمل الامتحان قالوا للطلبه اللي اتكلمت ملكوش دعوه وركزوا في مستقبلكم!!

وده كله والمعمل جنب الواقعة يعني محدش منهم هيعمل مجهود جبار علشان يقوم يشوف في ايه.

والدكتورة التانية لما شافت طلبة من اللي خلصوا الامتحان مُنهارين قُدام الباب من المنظر وبيصوتوا قفلت الباب عليهم من غير ما تسأل عن اللي حصل، غير الاتهامات اللي قعدوا يقولوها عن البنت وهما ميعرفوش أصلًا هي مين ( يعني بتطلع في الروح وبيتهموها بدل ما ينقذوها ) 

البنت كانت بتستغيث وتقول الحقوني لكن بلا جدوى والوقت في الحالات دي بيفرق جدًا وكان ممكن تتلحق قبل ما تتوفى وخصوصًا إن مستشفى الجامعة مفيش بينها وبين مكان الواقعة 3 دقائق مشي! 

البنت فضلت مرمية ع الأرض حوالي ساعة بدون اسعافات أولية حتى الاسعاف وصلت بسواق فقط من غير المُسعف!! 

ده غير لما وصلت المستشفى وهي بتلتقط أنفاسها الأخيرة اتحطت انتظار عشان مش معاها بطاقة اثبات هوية 

( اثبات الهوية أهم من حياتها ) 

لا واتقال ع د.م البنت بعد ما اتشالت: "حد يمسح القرف ده!!" وفعلًا اتمسح بالمناديل!!!!! 

للدرجة دي حياة البني آدم بقت رخيصه وملهاش تمن!!