وصيتى. بقلم /نصر سيد بدر طلحه مصر

 وصيتى

بقلم /نصر سيد بدر طلحه  مصر

بيتنا اللى كان دايما

مايخلاش م الضيوف

دى الوقت صوت الصمت

يملا القلب خوف... 

والذكريات صبحت صفوف 

فوق الرفوف ...

كل العزاز ع القلب

فارقوا من سكات.. 

اللي سافر.. واللي فارق

واللى مات... 

وسابوا لى شوق فى القلب

وشوية اهات... 

تلف جواه دوامات.. 

بالليالى.. والساعات 

.... ...... 

كل الظروف اتغيرت.. 

كل الأمال. اتكسرت.. 

وماعادش باقى للفرح

أى احتمال.... 

العمر فات.. والكل مات

والبخت مال.. 

بعد اما كان الباب يدق

ألاقى واحد راح قايلى.. 

ابنك مشارك فى المسابقه

ورقمه فاز... 

القى المحصل جاى.. 

جايب لى وصل غاز.. 

....... ..... 

م الخوف يزورنى الموت

وأنا وحدى.. ويصيبنى العفن

أنا رحت رايح من يومين.. 

شارى كفن... 

وصيت وصيه عالمكان 

فيه اندفن......

بالله عليكم لو فى يوم.. 

الصفحه دى صابها السواد

ما انا اصلى عارف.. 

كل واحد له ميعاد... 

ماتنسونيش من دعوتين.. 

بالرحمه اولها... 

والثانيه يكون عملى شفيعى

وخير زاد... 

بالله عليكو ماتنسونيش

من دعوتين... 

بالله عليكو ماتنسونيش. 

............................. 

بقلم /نصر سيد بدر طلحه  

القاهره 

@إشارة