كفة حزن مايلة "بالعامية المصرية "

كفة حزن مايلة "بالعامية المصرية "

بقلم الكاتبة والشاعرة

 حنان فاروق العجمي 

 بتبكي ليه؟

قل لي حاجة متبكنيش 

قل لي فرحة جاية يمكن تنادي 

طمني شوية عشان أعيش 

قل لي هيحزنوا لفراقي؟ 

أيامي ليه مبتطمنيش؟

كفة حزن مايلة ف ميزاني

والفرح ف التانية قل مطببنيش 

عطشانة لصوت يطمني 

ياخد بإيدي وميسبنيش 

يقطع سلسال قيودي 

يرميه بعيد وميجُرِّنيش

بكرا ليه بييجي صعب لتحت يشدني؟

أغرق ف ضلمة مبتحبنيش 

أستسلم بكل كياني؟

مش هاين عليَّ ومقاومتي مبتساعدنيش

بدعي الشافي يجبرني 

وسطور اتكتبِت ف قدري متصُدنيش

وارفع إيدي يجاوبني 

أَمسح دموعي ومتعذبنيش

بقُدرتك قويني 

خليك جنبي ومتخذلنيش 

أنا إللي اشترِت كل رخيص بالغالي 

بأول حفرة دفنوني ومغطونيش

هلِّلوا وفرحوا ووجعوني

يا عيوني انسي ومتبكيش