.jpg)
عيون حبيبي كتاب
عفاف اندراوس
ف عيون حبيبي لقيت
فيها كتاب مفتوح
والقلب كان مقفول
جواه أسى وجروح
حاولت اقرب واجرب
أبدء حوار وابوح
لقيت المراد أسي
القرب غير مسموح
طـب ليه مايمكن لقانا
يرد فيك الروح
وتلاقي غير اللي فات
لحب كان مدبوح
يمكن تلاقي السعادة
قدام عينيك بوضوح
افتح لي قلبك صارحني
إياك تخبي هواك
انطق وريحني
إحكيلي إيه جواك
لو كنت شارب مرار
كاس الهوى خلاك
تايه ف دنيا العتاب
والفكر زاد ف أساك
حاول تغير مكان
كان فيه لقاه يهواك
وحبه حبه الحياه
تاخدك بعيد حبه
يمكن تلاقي الزمن
يعطيك ويرضي هواك
عفاف إندراوس
