"العيش والملح.. مش لقمة وخلاص"

"العيش والملح.. مش لقمة وخلاص"

في حاجات في الدنيا ماينفعش تتقاس بالفلوس، ولا تتوزن بميزان. زي العِشرة.. وزي العيش والملح.

العيش والملح مش بس أكلنا سوا.. ده تاريخ. ده ضهر سند، وقلب ارتاح، وضحكة طمنت، وسرّ اتقفل عليه بـ"أمانة في رقبتك".

اللي بياكل معاك عيش وملح، بيشاركك أيامك، بيشوف وشّك وانت زعلان، وانت فرحان، وانت مكسوف من الدنيا.. وواقف جنبك كأنك أغلى حد فيها.

فيه ناس لو رجعت بيهم الأيام، يمكن مايختاروكش من تاني، لكن اللي بينك وبينهم عيش وملح؟ دول حتة منك، حتى لو فرقتكم السكة.

العيش والملح يعني عشرة، والعشرة لو صفت تبقى نعمة، ولو خانت توجع أكتر من الخنجر.

أصعب حاجة إنك تلاقي حد كنت فاكره سند، يبيعك كأن اللي كان ماكنش.

بس برضه.. ما نندمش.

لأن اللي عاش معانا أيام وشافنا على طبيعتنا، وشاركنا اللقمة، وساب.. هو الخسران.

خلي دايمًا بينك وبين الناس عيش وملح.. بس حافظ عليه.

لإنه مش أي حد يستحق يشيل الود في قلبه، ولا يشرب معاك من نفس الكوباية اللي شربت فيها الحياة

نصرا ابراهيم 

(اوبرا النوبة )