صحيح واعرة
صحيح واعرة تضحك و ڨلبك دامي
و لكن ان كانك دامي
دواء علتك ڨص الوجع بالحامي
************** **********
قص الوجع وارميه
لا تعاشره بقلبك ولا تخاويه
مادام صوت مواجعك تِرضيه
عليك تتركه واتفارقه مترامي
لا تناوبه لا اتبيته اتساميه
قص منبته وعرقه بمِنْجِلْ حامي
كيف ما جفي ودّك خلاص جافيه
خلّيه يتنازع نزاع خصامي
وزي ما تسبّب في العذاب خلّيه
يعيش يتخبّط في خبايا أحلامي
صحيح واعرة كيف تسنده تراعيه
وهو يخذلك يرميك بحره طامي
صحيح واعرة تضحك و قلبك دامي
دواء علتك قص الوجع بالحامي
بقلمي
سمراء الجنوب
نجوى النوي
تونس
